Starvsfelagið fer í samhugaverkfall

Starvsfelagið hevur nú sent út fráboðan um samhugaverkfall við Føroya Arbeiðarafelag, Havnar Arbeiðarafelag, Klaksvíkar Arbeiðskvinnufelag, Klaksvíkar Arbeiðsmannafelag og Havnar Arbeiðskvinnufelag.

Samhugaverkfallið er lýst at byrja klokkan seks týsmorgunin 11. juni.

Talan er um sáttmálarnar, sum umfata sáttmálaøkið vegna Føroya Tele, Posta og Vága Floghavn.

Samhugaverkfallið umfatar allar limir felagsins, sum eru umfataðir av omanfyri nevndu sáttmálum, skrivar Starvsfelagið í fráboðan.