Man tagdi tær burtur

Áhugan fyri kvinnunum, sum doyðu í barsilssong, fekk Rigmor Restorff Dam fyri nógvum árum síðan, og nú hevur hon givið út bók við heitinum 'Tær góvu lív'.

- Kvinnan, sum er eitt heilt lív, sum hevði dreymar og vónir, og kanska onnur børn eisini, hennara eftirmæli gjørdist bara, at hon doyði í barsilssong, og tað var tað. Við at skriva og tosa um tað, so geva vit hesum kvinnum eitt andlit ella eina rødd, og vónin er, at allar familjur, ið hava hesi sár, kanska vekja minnið um eina ættmóðir til lívs aftur, sigur Rigmor Restorff Dam.

Rigmor hevur í sambandi við lesnað á Setrinum skrivað ritgerð um evnið, men fyri at miðla evnið á bestan hátt valdi hon at skriva tað, hon nevnir eina 'feature-bók.' 

- Tað merkir, at tú tekur eitt evni og lýsir tað úr ymsum sjónarhornum við ymiskum mátum. Tí hevur bókin bæði søguligt tilfar og samrøður við eftirkomarar hjá teimum, ið doyðu í barsilssong.

Hoyr samrøðu við Rigmor her