Eisini nógvir bilar á útoyggj

Hóast fáir kilometrar av vegi eru í oyggjunum, sum ikki er koyrandi til, so eru nógvir bilar skrásettir har.

Sambært yvirliti hjá Akstovuni vóru 42.303 akfør skrásett í Føroyum 1. juni.

Í Fugloynni vóru 47 akfør, millum annað 26 persónbilar og fýra ellisakfør.

Í Hesti vóru 11 akfør, í Mykinesi trý, tveir persónbilar og ein vøruvognur, í Nólsoy vóru skrásett 92 akfør, í Skúvoy 12, í Svínoy eru skrásett 25 akfør, og ein persónbilur er skrásettur í Stóru Dímun.

So í hesum sjey oyggjunum vóru skrásett 191 akfør 1. juni, vísa tøl fa Akstovuni.