Verjan skal brúka flogvøllin í Kangerlussuaq

Tá øll uttanlandsflúgving úr Grønlandi og til Grønlands verður í Nuuk frá síðst í november í ár, fer danska verjan at leiga flogvøllin í Kangerlussuaq, í syðra Streymfirði, frá landsstýrinum, tí Grønland eigur flogvøllin.

Troels Lund Poulsen, verjumálaráðharri, hevur svarað Aaju Chemnitz, fólkatingskvinnu, um flogvøllin.

Landsstýrið og ríkisstjórnin hava gjørt avtalu um leigumálið.

Troels Lund Poulsen sigur ikki, hvussu stór leigan er, tí tað er ikki greitt fyrr enn seinni í ár.

Galdandi í trý ár

Avtalan skal góðkennast í fólkatinginum. Talan er um fyribils avtalu, sum er galdandi í trý ár.

Endalig avtala verður gjørd, tá framtíðin hjá donsku verjuni í Arktis og Norðuratlantshavinum er greið.

Verjan skal eisini umvæla flogbreytina í Kangerlussuaq, sum ikki er í góðum standi.

Sambært avtaluni sleppa sivil flogfør framvegis at brúka flogvøllin í Kangerlussuaq.