Fótbóltsprát: Ein umbering til spælararnar hjá HB

Í sendingini Fótbóltsprát, sum var mánadagin 8. juli, bleiv toppdysturin millum Víking og HB eftirmettur.

Í hesum sambandi blivu nøkur viðurskifti hjá HB-spælarunum, sum ikki hava við fótbólt at gera, viðgjørd. Hetta var ikki rætt, og vit ynskja at biðja HB og spælarunum í Betri-hópinum um umbering fyri tað.

Í Fótbóltspráti miða vit altíð eftir at viðgera fótbólt og tað, sum hevur við fótbóltsviðurskiftir at gera. Og tað var ikki støðan viðvíkjandi áðurnevnda dysti, og tað harmast vit sum sagt um. Hetta verður tó framhaldandi málið hjá okkum.

Vegna Fótbóltsprát,

Tróndur Vatnhamar