Tað er vorðið eitt sindur lýggjari

Føroyska veðurlagið er í broyting. 

Við støði í dátum og vitan, sum vóru løgd fram ella umrødd á Veðurlagsdegnum 2024, sum var í Havn 19. mars, er greitt, at føroyska veðurlagið broytist. 

Millum týdningarmestu niðurstøðurnar eru, at miðalhitin í luftini um okkara leiðir er vaksin eitt stig síðani 1873. 

Vatnskorpan við Føroyar er hækkað 10 sentimetrar seinastu 30 árini, og hitin niðri við botn í Bankarennuni er vaksin 0,25 stig síðani 2001. 

Umhvørvisstovan, Havstovan, Jarðfeingi, Tjóðsavnið, Landsverk, Hagstovan og Veðurstovan skipaðu fyri Veðurlagsdegnum.  

Ætlanin er at hava Veðurlagsdag næsta ár.