Makrelur úr norskum sjógvi undantikin

Kunngerðin um landing í Føroyum verður nú broyt, so makrelur, sum føroysk fiskifør fiska í norskum sjógvi í ár, er 
undantikin kravinum um landing og avreiðing um bryggjukant í Føroyum.

Tað er neyðugt, tí í avtaluni við Noreg um makrel ein treyt, at allur makrelur, sum føroysk skip fiska í norskum sjógvi, skal seljast gjøgnum ella við góðkenning frá Norges Sildesalgslag. 

Hendan treytin ger, at makrelur, sum føroysk skip fiska í norskum sjógvi, kann vera landaður aðrastaðni enn í Føroyum, sigur Dennis Holm, landsstýrismaður í fiskivinnumálum.

Í kunngerðini um landing í Føroyum eru ávís fiskasløg undantikin kravinum um at vera landað í Føroyum. 

Nú kemur makrelur, sum føroysk skip fiska í norskum sjógvi, aftrat teimum.

Uppskotið um hesa broyting í kunngerðini um landing í Føroyum er til ummælis 16. juli.