Grimsby-fjeppari málleysur av dreymamálinum hjá Géza Dávid Turi

Tað tók eina løtu hjá føroyska landsliðsleikaranum Géza Dávid Turi at skora sítt fyrsta mál fyri Grimsby í fjórðbestu ensku deildini. 

Men tá ið málið so loksins kom leygardagin í dystinum móti oddaliðnum Bristol Rovers, so var talan um eitt dreymamál. 

LES EISINI: Géza fekk dreymamál í sigri á oddaliðnum

Málið var so gott, at ein Grimsby-fjepparin, ið hevði eitt sjáldsama gott útsýni til málið, bleiv púra málleysur. 

Géza Dávid Turi er í dag úttikin til A-landsliðið í fótbólti, sum skal umboða Føroyar í Nations League-kappinini.