Sjóvinnustýrið fær upplýsingar um vitar og sjóuppmerking

Føroyar eru vorðnar limur í IALA felagsskapinum, tað er International Association of Marine Aids to Navigation and Lighthouse Autorities.

Tá Føroyar yvirtóku málsøkið vitaverk og sjóuppmáting 1. juni, søkti Sjóvinnustýrið alt fyri eitt um fullan limaskap í IALA. 

Og hann hava Føroyar nú fingið.

Føroyar sleppa fram at nógvum skjølum og leiðbeiningum um, hvussu vitar og sjóuppmerking skulu umsitast. 

Eisini er atgongd til skeið, ráðstevnur, førleikamenning, tøkniliga tænastuveiting og ráðgeving og onnur tiltøk.

Men treytir eru við limaskapinum. 

Føroyar binda seg til at brúka, seta í verk og halda standardar, leiðbeiningar og tilráðingar frá IALA. 

93 limir eru í IALA.