Landsverk fingið stjóra

Marjun Weihe Thomassen er sett sum stjóri á Landsverki.

Í oktober 2023 byrjaði hon sum fíggjarleiðari og hevur síðani februar í ár verið virkandi stjóri á Landsverki.
 
Marjun Weihe Thomassen er 49 ára gomul, útbúgvin búskaparfrøðingur, limur í nevndini í Landsbankanum og í Búskaparráðnum. 

Aftaná lokna útbúgving var Marjun í starvi sum fulltrúi í Landsbankanum og síðani sum ráðgevi um íløgur í BankNordik. 

Frá 2012 til 2023 var Marjun Weihe Thomassen fíggjarleiðari í Bústøðum.

Í oktober 2023 byrjaði Marjun Weihe Thomassen sum fíggjarleiðari á Landsverki.

Og síðani februar 2024 hevur hon verið virkandi stjóri á Landsverki.

Sjey umsóknir vóru til stjórastarvið á Landsverki.