Minni stuðul til rentur

Rentustuðulin minkar.

Fíggjarmálaráðið kemur í heyst í tingið við einum uppskoti um at minka rentustuðulin stigvíst í nógv ár.

Í desember í fjør bað landsstýrið tingið um fimm milliónir krónur aftrat til rentustuðul í ár.

Fleiri rentuhækkingar hava verið, síðani fíggjarlógaruppskotið var gjørt í september, var sagt tá.

Landsstýrið væntaði, at fólk fingu 153 milliónir krónur í rentustuðli í ár.

Netto

Men tey, sum eiga pengar, rinda landskassanum avgjald fyri renturnar, tey fáa.

Tann inntøkan er mett at vera 68 milliónir í ár.

Nettoútreiðslan til rentustuðul er tí 85 mió. kr. 

Síðani 2014 hevur rentustuðulin verið 35 prosent.

Og síðani 2018 er stuðul latin til rentur, sum í mesta lagi eru 100.000 kr.