Níggju UNRWA-fólk vóru við til at leypa á Ísrael

Ein innanhýsis kanning hjá ST prógvar, at níggju starvsfólk hjá flóttafólkastovninum UNRWA kunnu hava havt ein leiklut í álopinum á Ísrael 7. oktober í fjør

Enn eru nógvir av gíslunum, sum vórðu tiknir 7. oktober, ikki komnir afturíaftur. Nú er prógvað, at niggju starvsfólk hjá UNRWA høvdu ein leiklut í álopinum

Mynd: Ricardo Moraes/Reuters/Ritzau Scanpix

Emil Lisberg Jacobsen

05.08.2024 - 19:41

Níggju starvsfólk hjá UNRWA, sum er ST-felagsskapurin fyri palestinsk flóttafólk í Miðeystri, kunnu hava havt ein leiklut í álopinum hjá Hamas á Ísrael 7. oktober í fjør. Tey níggju fólkini verða nú uppsøgd.

Tað skrivar Reuters.

Ísrael legði 12 starvsfólk hjá UNRWA undir at hava verið við í álopinum 7. oktober, og tað førdi til, at innanhýsis kanningarstovnurin hjá ST, OIOS, setti eina kanning í verk.

Og hjá níggju av hesum starvsfólkunum vóru nóg nógv prógv funnin til at staðfesta, at tey kunnu hava verið við í álopinum 7. oktober, sigur ST, sum tó ikki sigur nakað meira ítøkiligt um, hvat hesi 9 fólkini hava gjørt.

Tilsamans 19 UNRWA-starvsfólk vórðu kannað.