Bakkafrost-samtakið 128 milliónir í rakstraravlopi í triðja ársfjórðingi

Rakstrarúrslitið  í triðja ársfjórðingi hjá Bakkafrostsamtakinum var 128 milliónir krónur.

Tað var 22 milliónir triðja ársfjórðing í fjør.

Tøkan í Føroyum var 23.097 tons og 4.537 tons í Skotlandi í triðja ársfjórðingi.

Fyrstu níggju mánaðirnar í ár var tøkan í Føroyum 24 prosent størri enn í fjør.

Framleiðslukostnaðurin vaks sjey prosent fyri kilo. 

Smoltstøð í Skálavík, Bakkafrost í Skálavík

Gongur sum ætlað í Skálavík

Í frágreiðing um triðja ársfjórðing verður sagt, at smoltstøðin í Skálavík gongur sambært ætlan.

Rogn eru løgd inn í tveimum umførum við góðum úrsliti higartil. sigur Bakkafrost.

Havsbrún hevði eitt serliga gott úrslit í ársfjórðinginum. 

Bakkafrost væntar at gera 185.000 tons av fóðri næsta ár.

Givnir at keypa smolt frá uttanhýsisveitarum

Í Skotlandi er Bakkafrost givið at keypa smolt frá uttanhýsisveitarum.

Lítil tøka, lá miðalvekt og høgur eindarkostnaður ávirkar tó framvegis fíggjarligu úrslitini í Skotlandi, sigur Bakkafrost. 

Bakkafrost ætlar at taka 97.000 tons í Føroyum og 28.000 tons í Skotlandi næsta ár.