Føroyingurin í Bretlandi: "Mann kennir seg ótryggan at fara út"

Ófriðurin, sum hevur herjað í Bretlandi seinastu vikuna, ávirkar gerandisdagin hjá fólki.

Tað sigur Bergur Christensen, sum lesur IT í Manchester í Onglandi. 

"Mann kennir seg ótryggan at fara út einsamallur," viðgongur hann. 

Ófriður í Bretlandi

Mótmælisgongur hava verið nógvastaðni í Bretlandi, síðani ein 17 ára gamal drongur, tann 29. juli, drap tríggjar smágentur í einum kníválopi í Southport.

Drápsmaðurin sigst vera ættaður úr Rowanda. 

Í gjárskvøldið og í nátt hevur verið sera ófriðarligt í fleiri bretskum býum, og nógv fólk eru eisini álopin. 

Ófriður í Bretlandi

Tað eru tveir bólkar, sum eru úti í gøtunum og mótmæla. Tað eru tey, sum hava samhuga við innflytarum, og so eru tað tey, sum eru ímóti tilflyting. 

Nógvir politistar eru skaddir í samanbrestum, og sambært Bergi Christensen, so kenna fólk seg ótrygg og tora illa út einsamøll.

Ófriður í Bretlandi

Mælt verður fólki frá at fara inn í miðbýirnar. 

Hoyr samrøðuna við Berg Christensen.