Fýra ítróttagreinar lagdar afturat Skúlaleikunum

Skúlaleikir, sum seinastu trý árini hava savnað ítróttalærarar og næmingar frá miðdeildum til “felagsskap og rørslugleði”, verður nú víðkað við fýra ítróttagreinum.

Tað boðar Ítróttasamband Føroya frá í tíðindaskrivi.

Ítróttagreinirnar, sum leggjast afturat í ár, eru borðtennis, tennis, bogaskjóting og hondbóltur.

Frammanundan eru flogbóltur, frælsur ítróttur, badminton, inniróður, kurvabóltur og rørslumegi partur av Skúlaleikunum. 

Sostatt eru 10 ítróttagreinar umboðaðar í alt.

Tá ein flokkur í miðdeild verður meldaður til Skúlaleikir, bjóðar ÍSF í samstarvi við sambondini skeið fyri lærarum og undirvísingartilfar til ítróttatíman. Hvør flokkur fær eisini bjóðað skúlavitjan og fær møguleika at luttaka á undanstevnum kring landið. Stevnurnar vera í mars og apríl næsta ár.

Tilmeldingarfreistin at melda flokkar til Skúlaleikir er 1. september. 

Skúlaleikir