Arbeiðsgevarar: Útlendsk starvsfólk eiga at hava revsiváttan

Tey, sum fáa útlendingar til Føroya at arbeiða, vilja fegin vera við til at krevja revsiváttan frá teimum. 

Føroya arbeiðsgevarafelag tekur undir við, at revsiváttanir hjá útlendskum starvsfólkum skulu leggjast við umsóknum um arbeiðs- og uppihaldsloyvi.

Tað eigur at vera krav, at útlendingar skulu koma við revsiváttan, tá teir søkja um arbeiðs- og uppihaldsloyvi í Føroyum, sigur Bjarni Kárason Petersen, landsstýrismaður.

Landsstýrismaðurin sigur, at hann fer at biðja danska ráðharran í útlendinga- og integratiónsmálum um at gera reglur, sum krevja revsiváttan.

Bjarni Kárason Petersen

Bjarni Kárason Petersen, landsstýrismaður. 

Ikki dømd brotsfólk

Bjarni Kárason Petersen sigur, at bæði landsins myndugleikar og arbeiðsgevarar eiga at ansa eftir, at útlendingar, sum koma til Føroya at arbeiða, ikki eru dømd brotsfólk.

Hann heldur, at í fyrstu syftu eiga fyritøkur, sum fáa útlendingar higar at arbeiða, at krevja revsiváttan.

Arbeiðsgevarafelagið sigur, at tað heldur enn fegið er við í fyrireikandi arbeiðinum at fáa krav um revsiváttan sett í verk.

Felagið sigur eisini, at útlendingar eru sum heild hampiligir, hugagóðir og arbeiðssamir.

- Vit mugu ansa eftir ikki at oysa olju á bálið um, at nógv útlendsk starvsfólk, sum eru í Føroyum, eru lógbrótarar, sigur arbeiðsgevarafelagið.