Løgmaður: Miðfyrisitingin kostar minni nú

Miðfyrisitingin kostar minni nú enn fyri fimm árum síðani, tá hugsað verður um allan rakstur landskassans, sigur løgmaður.

Hann sigur, at miðfyrisitingin er hvørki vaksin ella minkað í tíðarskeiðinum 2019 til 2023.

Aksel V. Johannesen sigur, at útreiðslurnar til miðfyrisitingina eru minkandi samanbornar við allar rakstrarútreiðslur landskassans. 

Í 2019 kostaði miðfyrisitingin 2,08 prosent av øllum rakstrarútreiðslum landskassans. Hon kostaði 1,86 prosent í fjør.

Aðalráðini kostaðu sjey milliónir krónur meira í fjør enn í 2022. Tey kostaðu 118 milliónir í fjør og 111 milliónir í 2022.

Tað sigur Aksel V. Johannesen, løgmaður, í svari til Bárð á Steig Nielsen, løgtingsmann.

Bárður á Steig Nielsen, Aksel V. Johannesen, samveldið, ríkisfelagsskapur, ríkjafelagsskapur, Breddin

Frítekst tagging: 

Bárður á Steig Nielsen

Aksel V. Johannesen

samveldið

Ríkisfelagsskapur

ríkjafelagsskapur

Breddin

Bjarni Árting Rubeksen

Løgmaður hevur svarað fyrispurningi frá Bárði á Steig Nielsen um miðfyrisitingina. (Savnsmynd: Bjarni Árting Rubeksen)

Ársverkini tey somu

Samgongan hjá løgmanni kom beint fyri jól í 2022.

Í 2019 kostaðu aðalráðini góðar 103 milliónir.

Men ársverkini í miðfyrisitingini eru á leið tey somu nú sum undanfarin ár. Tey vóru 127,6 í fjør, tað sama sum í 2019, og 128,4 í 2022.

Í 2020 vóru tey 129,5.

Aðalráðini rindaðu 88,5 mió. kr. í lønum í fjør og 85,6 milliónir í 2022. Í 2019 vóru lønirnar 78 mió. kr.

Løgmaður sigur, at serliga í 2023 vóru lønarhækkingarnar stórar.