![](https://kvf.fo/sites/default/files/styles/myndasavn-width/public/lonn_5.jpg?itok=3Lyb5HVs)
- Tíðindi, mentan og ítróttur
Vænta at selja studentaskúlan í Hoydølum í ár
![](https://kvf.fo/sites/default/files/styles/grein-ovasta-mynd/public/fullsizeoutput_1dec.jpeg?itok=mbJ_DGIj)
Ein tann størsta minniinntøkan í fíggjarlógini fyri 2023 er Studentaskúlin í Hoydølum, sum skuldi latast Tórshavnar kommunu fyri Venjingarskúlan.
Nettojáttanin í fíggjarlógini er minus 3,7 mió. kr.
37 mió. kr. eru játtaðar í inntøkum til at selja Tórshavnar kommunu Studentaskúlan, og 40,7 mió.kr. til Tórshavnar kommunu fyri Venjingarskúlan.
Men skúlin í Hoydølum var ikki seldur í fjør. So minniinntøkan er 37 mió. kr.
Skúlin var ikki seldur, tí øll krøv um byggisamtykt, matrikulering og annað vóru ikki liðugt viðgjørd í fjør.
Venjingarskúlin er keyptur til Fróðskaparsetrið, og farið er undir at umvæla hann.
Væntar at avgreiða søluna í ár
Landsstýrismaðurin í barna- og útbúgvingarmálum væntar, at hetta verður avgreitt í ár, so 37 mió. kr. koma í kassan í ár.
Talan er um Studentaskúlan, lonirnar og part av fløtuni í Hoydølum.
Venjingarskúlin var keyptur í fjør til Fróðskaparsetrið.
Farið er undir at høvuðsumvæla hann.
Størsta minniinntøkan í fjør var 79,4 mió.kr., tí partabrøv landsins í Smyril Line blivu ikki seld kortini.