Kampus: Eingin heildarætlan og eingin fígging

Nú seturskampus skal gerast á Frælsinum í Havn, so er nógv arbeiði sett í gongd. Í løtuni verður lon 5 høvuðsumvæld, og tá ið tað arbeiðið er liðugt, so verður farið víðari við verkætlanini at høvuðsumvæla restina av skúlabygningunum á Frælsinum, tað vil siga gamla Venjingarskúlan og Læraraskúlan.

Hendan byggiætlanin verður í nøkrum stigum, hetta til 2029, og eru mett at kosta 144 mió. krónur.

Umframt hetta hevur Landsverk skrivað undir ráðgevarasáttmála við Henning Larsen North Atlantic fyri 31 milliónir krónur um at projektera nýggja felagsbygningin hjá Setrinum, sum skal savna alt virksemið hjá Fróðskaparsetri Føroya í ein samanhangandi lestrar- og granskingarbýling, sum fevnir um økið á Frælsinum og økið á Debesartrøð.  

Enn vantar ein heildarætlan fyri allar setursbygningarnar og bygging at verða gjørd felagsbygning, sum verður grundarlagið fyri framhaldandi arbeiði, men Djóni Nolsøe Joensen, landsstýrismaður í barna- og útbúgvingarmálum, sigur at ein heildarætlan er á veg.

Mánadagin legði Búskaparráðið heystfrágreiðingina fram, og í íløguætlanunum fyri tey næstu 15 árini stendur at lesa, at Búskaparráðið metir, at eitt Seturskampus fer at kosta 1,2 milliardir krónur. 

Í løtuni verður arbeitt við at fyrireika fíggjarlógina fyri komandi ár, men landsstýrismaðurin kann ikki seta tal á, hvussu nógvar pengar skulu setast av til eitt seturskampus. 

Landsstýrismaðurin hevur góðar vónir, at Seturkampusið fer at standa liðugt bygt um fýra-fimm ár.