Besta OL-úrslit hjá Føroyum

Føroyar taptu sín síðsta dyst á talvolympiaduni, men samanlagt er talan um besta OL-úrsliti hjá føroyskum landsliðið higartil.

Føroyingarnir taptu 1½ - 2½ í góðum dysti ímóti krútsterka kekkiska liðnum, og settu tvær tjúkkar strikur undir góða avrikið í Budapest.

Talvlandsliðið endaði nummar 52 av 188 londum - frammanfyri millum annað Danmark, Íslands og Finnland. Afturat hesum eydnaðist at fáa tveir IM-normar og ein altjóða meistara. Tað heitið hevur Høgni Egilstoft Nielsen tryggjað sær, skrivar Talvsamband Føroya.

Góðu Kekkia skarpan gang

Tað var um reppið, at tað eydnaðist at fáa javnleik ímóti Kekkia á síðsta degnum. Luitjen Akselsson Apol, sum vann í dystinum móti Avstralia í gjár, gjørdi aftur bart í dag. Við svarta fólkinum spældi hann sterka mótstøðumannin niður í einum sonnum fýrverki.

Høgni Egilstoft Nielsen fekk remis móti besta kekkiska telvaranum í fleiri ár, og leingi tóktist tað, sum fekk í hvussu er annar av brøðrunum úr Sandavági remis - ella kanska meira enn so - men endin var, at báðir taptu.  

Luitjen toppskjútti

Luitjen Akselsson Apol gjørdist føroyskur toppskjútti hesaferð. Fyri avrikið gongur hann meira enn hundrað ratingstig fram. Høgni og Rógvi ganga eisini eisini eitt sindur fram, meðan Helgi og John ganga eitt vet aftur.

OL-úrtøkan hjá føroysku telvarunum:

Helgi Dam Ziska  4 / 9  (- 10,4)

Høgni Egilstoft Nielsen 6 / 11 (+ 10)

Rógvi Egilstoft 4 / 10  (+4,2)

John Rødgaard 2½ / 5)  (- 15)

Luitjen Akselsson Apol 6½ / 9  (+ 110,8)