Á Breddanum: Suðuroyartunnilin og politiska støðan

Alt bendir, á Suðuroyartunnilin verður settur á lunnar, tá fíggjarlógaruppskotið fyri næsta ár verður lagt fram mánadagin. 

Í gjár samtykti løgtingið einmælt at yvirtaka Íleggingargrunnin 1. januar 2025.

Íleggingargrunnurin er frá 1964. Í grunninum standa 653 milliónir kr.

Løgmaður hevur sagt, at hann ætlar, at umleið helvtin av fænum fer til Suðuroyartunnilin og hin helvtin til at byggja nýggja farstøð á flogvøllinum.

100 milliónir settar av

Í fíggjarlógaruppskotinum verða 100 milliónir krónur settar av til Suðuroyartunnilin, sum er mettur at kosta umleið fýra milliardir kr. við vegum og tunlum, sum skulu gerast í sambandi við Suðuroyartunnilin.

Tað stendir í øllum førum í játtanarkørmunum fyri 2025.

Men hvat fer Suðuroyartunnilin at kosta? Og hvussu ætlar politiska skipanin at tryggja sær, at hann ikki verður dýrari enn tær fýra milliardirnar, um trygdin skal uppraðfestast?

Tað spyrja vit løgmann og og Erhard Joensen, løgtingsmann, sum er í politiska fylgibólkinum. 

Ingilín og Bústaðir

Ingilín Strøm, landsstýriskvinna, segði ósatt fyri løgtinginum, tá hon segði, at hon ikki hevði fingið ábendingar um, at langtíðarhaldførið hjá Bústøðum var í vanda.

Landsstýriskvinnan eigur at leggja frá sær, heldur andstøðan.

Vit tosa við politiskan viðmerkjara um politisku støðuna.

Breddin í útvarpinum og á kvf.fo klokkan 10.