NSÍ nærkast FM eftir sigur á KÍ

NSÍ nærkast FM eftir sigur á KÍ
Fótbóltskvinnurnar hjá NSÍ tóku í kvøld eitt stórt fet ímóti at tryggja sær føroyameistaraheitið, tá tær vunnu á KÍ í Runavík. Í hinum dystinum vann Víkingur á HB
Her vinnur NSÍ steypakappingina, men tær gulu hjá NSÍ hava ongantíð vunnið FM. Nú er nær við
Mynd: savnsmynd  
 
30.09.2024 - 21:19

Við sigri á KÍ við Løkin í Runavík, tóku fótbóltskvinnurnar hjá NSÍ eitt risafet ímóti føroyameistaraheitinum. 

Sólja Ernstdóttir legði annars sigursvandu gestirnar framum, tá 40 minuttir vóru spældir, men beint fyri steðgin fekk NSÍ tvey mál. Fyrst Mirjam Huneck og síðan Julia Naomi Mortensen, sum var trygg úr ellivu metrum. 

Eftir steðgin kom bert eitt mál afturat. Heidi Sevdal økti til 3-1, tá ein góður tími var spældur.

 

Víkingur vann á HB

Í Gundadali hevði Víkingur ikki stórvegis trupulleikar av HB, sum er veikasta liðið í ovara endaspælinum í ár. Bert 11 minuttir vóru spældir, tá Mona Rasmusdóttir legði gestirnar framum við brotssparki, og seks minuttir seinni økti Lea Lisberg um leiðsluna.

Tá ein hálvur tími var spældur skoraði Anna Katrina Mikkelsen til 3-0, áðrenn Eydna Olsen Dalheim skeyt einasta málið eftir steðgin.

NSÍ er nú fremst í Betri-deildini við kvinnum við 43 stigum. KÍ og Víkingur hava 40 stig, men klaksvíkingar hava tvey mál betri málmun. Bert tvey umfør eru eftir at spæla, og vinnur NSÍ á HB í næstseinasta umfari, hava runavíkingar mestsum tryggjað sær FM-heitið, tí tær hava munandi betri málmun enn bæði KÍ og Víkingur.

Er kopiera
Nýggjastu sendingar í ÚV
Sunnudag 16. februar
Bolero - Bartok, Hindemith og Rota
187832
Sunnudag 16. februar
Guðstænasta úr Havnar kirkju
187830
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Nýggjastu sendingar í SV
Sunnudag 16. februar
Guðstænasta úr Havnar kirkju
187829
Leygardag 15. februar
Hondbóltur: H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762
Fríggjadag 14. februar
Veðrið
187798
Mikudag 12. februar
Merkja grind
187663