Stóra kommunukanningin gevur vitan um, hvat borgararnir veruliga halda

3.000 føroyingar hava svarað í stóru nøgdsemiskanningini, ið Kringvarp Føroya og Lóður hava latið gera í sambandi við kommunuvalið 12. november. 

Kanningin er tann fyrsta av sínum slag, ið hevur til endamáls at fáa eina mynd av, hvussu nøgdsemið hjá borgarunum í ymsu kommunum er. 

Stóra nøgdsemiskanningin er nú tøk her á heimasíðu Kringvarpsins. 

"Málið er at fáa størri vitan um, hvat borgararnir í ymsu kommununum veruliga halda um sína egnu kommunu," sigur Katrin Petersen, tíðindaleiðari í Kringvarpi Føroya. 

"Vit hoyra ofta bara um mál frá borgarstjórum og av og á frá andstøðuni, men í ov lítlan mun frá teimum, ið gjalda: Borgarunum í kommununi. Hetta er ein roynd at bøta upp á hetta holið í kunnleikanum hjá miðlum og hjá okkum øllum."

KV24 breddi

>>Sí kanningina her 

Mangla upplýsingar

Kanningin fevnir um allar føroyskar kommunur, uttan Skúvoyar kommunu, ið snøgt sagt er ov lítil til, at tað verður ein hagfrøðisliga eftirfarandi kanning. Tískil verður nøgdsemið í Skúvoyar kommunu dekkað á annan hátt, lovar tíðindaleiðarin. 

"Kommunukassarnir fáa meir enn helvtina av tí, føroyski borgarin rindar í skatti. Fyri peningin fáa vit tænastur, sum eru grundleggjandi fyri okkara gerandisdag, so sum barnagarðar, ellisheim, vegir, ítróttahallir, grøn øki, arbeiðsmøguleikar og byggilendi. Tað er í veruleikanum upplagt at spyrja: Eru vit nøgd við tænastuna, vit fáa?" spyr Katrin Petersen.

Nólsoy, fólk, bústaðir, bústaðarneyð, grundstykkir, ferðafólk

Frítekst tagging: 

Nólsoy

fólk

Bústaðir

grundstykkir

ferðafólk

Bjarni Árting Rubeksen

bústaðarneyð

Mynd: Bjarni Árting Rubeksen

Nøgdsemiskanningin spyr eisini, hvussu fólk uppliva tað at vera borgari í kommununi. Halda tey, at borgararnir í kommununi eru samansjóðaðir? Høvdu tey mælt øðrum at flutt til kommmununa? Hvat halda tey, at onnur halda um teirra kommunu?

"Vit halda, at tað hevur stóran týdning, at kanningin er gjørd fyri allar Føroyar, so vit kunnu samanbera kommunurnar á nógvum ymsum økjum. Tað er sera áhugavert at spyrja: Hevur tað nakran týdning fyri nøgdsemið, at kommunan er stór ella lítil? At hon inniheldur fleiri bygdir? At hon er rík? Bæði vit, Lóður og annars øll, ið vilja, kunnu nú fara og granska hesi tingini nærri," sigur Katrin Petersen, tíðindaleiðari í Kringvarpi Føroya.