Arbeiðspláss skulu læra at siga sína søgu

Arbeiðsloysið er mest sum einki í landinum, og tað hevur við sær, at kappingin um starvsfólkini er stór.

Støðan hjá teimum, ið søkja starv er hinvegin góð, tí tey kunnu í stóran mun velja og vraka millum størv og arbeiðspláss.

Í hesi støðu hevur arbeiðsgevarin nøkur amboð, sum kunu vera avgerðandi fyri, um arbeiðssøkjandi velur til ella velur frá.

Av tí sama er Employer Branding eitt hugtak, sum vinnur seg fram, sigur Allan Dalsgarð, ið rekur starvsfólkaportalin, Alfred.

Arbeiðspláss, sum eru tilvitað um Employer Branding og duga væl at fortelja søguna um seg sjálvi, hava tískil munandi betri møguleikar fyri at fáa nógvar og góðar umsóknir til teirra størv enn arbeiðspláss, sum gera minni burturúr hesum.