Merktu grindirnar ferðast víða

Tær báðar grindirnar, sum vórðu merktar í septembur, hava ferðast rættiliga víða. 

Havstovan merkti eina grind í Fuglafirði tann 3. september og eina grind í Klaksvík 16. september.

Havstovan sigur, at grindin, sum varð merkt í Fuglafjørði, hevur verið ein túr á Føroyabanka.

Eftir at grindin mundi møtt merktu klaksvíksgrindini á Hattonbanka fyri eini viku síðan, fór hon suður aftur í Hattondýpið, haðani hon var komin. Men síðan vendi hon aftur móti Føroyum. Komin norður á Bankaryggin, dvaldi hon tveir dagar, áðrenn hon fór inn á Føroyabanka.

Steðgaði stutt

Hon steðgaði kortini stutt á Bankanum, og er síðan farin suðureftir, tvørtur um Rosemarybankan, og suður móti Rockall.

Grindin, ið var merkt í Klaksvík, hevur ferðast støðugt suðureftir, fyrst í ein útsynning, men seinastu dagarnar í ein sunnan. Hon er farin fram við Edorasbankanum, ið er sunnan fyri Hattonbanka, og er nú í einum øki, ið kallast Eriadorryggurin.

Teinurin, hon hevur ferðast, er góðar 800 fjórðingar, skrivar Havstovan.

>>Sí eisini: "Merktu hval í Klaksvík"