Klintrimús setir met í forsølu

Fyri fyrstu ferð ber til hjá børnum og barnsligum sálum at síggja ein teknifilm í biografinum við føroyskari talu.

Nakað bendir á, at fólk fegin vilja síggja undirhald á egnum máli, tí áðrenn fyrstu almennu sýning, ið var í gjár, vóru yvir 3.000 atgongumerki seld í forsølu, og hetta er tað mesta nakrantíð, sigur Mourits Clementsen, stjóri í Havnar Bio.