Frítekst tagging:
- Tíðindi, mentan og ítróttur
Misnýtsla av smuglaðum rúsevnum er ringast at stýra
Misnýtsla av smuglaðum rúsevnum er ringast at stýra
Magni Højgaard, leiðari í RÓWT, sigur, at tað hevur stóran týdning at tálma smuglingini. Hóast sparingar, verður marknaeftirlitið hjá TAKS ikki skert, sigur stjórin
TAKS skal spara 700.000 kr. næsta ár, men tað ávirkar ikki starvsfólkini.
16.10.2024 - 11:26
Tað er óheppið at spara á einum øki sum marknaeftirlitinum, í sambandi við smugling av rúsevnum.
Tað sigur Magni Højgaard, leiðari í RÓWT, sum fyrr kallaðist "Megna títt lív."
Hann sigur, at tað hevur stóran týdning at tálma smuglingini av rúsevnum, eisini tí, at tað er tann parturin av misnýtsluni, sum er ringast at stýra.
Magni Højgaard. (Mynd: Bjarni Árting Rubeksen)
Heildarætlanin frá mars 2022 um at fyribyrgja og tálma rúsevnismisnýtslu hevur enn ikki havt ta ávirkan, sum vón var um.
Ruth Vang, landsstýriskvinna í fíggjarmálum, sigur, at hóast Taks verður skert á fíggjarlógini næsta ár, ætlar Fíggjarmálaráðið at hava marknaeftirlitið við í raðfestingunum.
Hoyr innslag í útvarpstíðindunum:
16102024_Rusevni_
Eyðun Mørkøre, stjóri á TAKS, sigur, at hóast stovnurin skal spara 700.000 kr. næsta ár, verður starvsfólkahópurin ikki skerdur.
Marknaeftirlitið verður heldur ikki skert, men ikki styrkt.
Sí innslag í Degi og viku:
241015_DV_EYDUN
Er kopiera
Nýggjastu sendingar í ÚV
Nýggjastu sendingar í SV
