Hava skrivað undir avhendingarskjal um langhylin

Tórshavnar kommuna, byggiharri, og J&K Petersen, høvuðsarbeiðstakari, hava í dagskrivað undir avhendingarskjal um langhylin í Gundadali.

Tað skrivar J&K Petersen á heimasíðuni.

Næstu vikurnar fer kommunan at gera nýggja økið og hylin kláran til nýtslu.

Langhylurin er bygdur upp í verandi svimjihøll, og hevur 10 geilar upp á 50 metrar.

Har eru gott 600 áskoðarapláss, vælveruøki við heitum hylum, gosbaði, hitarúmi, dampbaði og mangt annað.

Væntandi verður latið upp í viku 45, tað er vikuna fyri kommunuvalið. Nærri kunning kemur um hetta frá Tórshavnar kommunu í næstum, verður sagt.