Rutte: Ukraina verður limur í Nato

Rutte: Ukraina verður limur í Nato
Til limaskapurin er veruleiki, skal Ukraina fáa tað, sum tørvur er á, fyri at standa seg ímóti russisku innrásini, sigur Nato-aðalskrivarin
Mark Rutte, Nato-aðalskrivari, og ukrainski forsetin Zelenskyj á toppfundi í Brússel í gjár.
Mynd: Reuters/Ritzau Scanpix  
 
18.10.2024 - 08:19

Nato-aðalskrivarin Mark Rutte vissar Ukraina um, at landið verður partur av Nato í framtíðini.

Boðini komu á einum tíðindafundi í Brússel í gjár, í sambandi við ein fund millum verjumálaráðharrarnar í Nato, har ukrainski forsetin, Volodymyr Zelenskyj, eisini var við.

- Ukraina verður partur av Nato. Til ta tíð skal Ukraina hava tað, sum tørvur er á, fyri at standa ímóti russisku innrásini, segði Rutte sambært Reuters.

Nato-aðalskrivarin kom ikki við nøkrum tíðarkarmi fyri ukrainsku innlimanina í verjusamgonguna.

Á ES-toppfundi í Brússel í gjár legði ukrainski forsetin, Volodymyr Zelenskyj, fram sína sokallaðu sigursætlan. 

Tá legði hann dent á, at ukrainskur limaskapur í Nato er avgerandi fyri at fáa varandi frið.

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688