Danmark sett nýggjan landsliðsvenjara

Brian Riemer er settur sum venjari hjá danska fótbóltslandsliðnum. 

46 ára gamli danin var hjálparvenjari hjá Ståle Solbakken í FCK og hjá Thomas Frank í Brentford.

Í 2022 var hann settur sum høvuðsvenjari hjá belgiska stórfelagnum, Anderlecht, har hann vandi millum annað Kasper Schmeichel, Thomas Delaney og Kasper Dolberg.

Besta úrslitið í Belgia var eitt 3. pláss, áðrenn uppsøgnin kom í september í ár.

 - Eg havi fylgt danska landsliðnum væl seinastu árini. Eitt lið við nógvum dugnaligum spælarum. Vit skulu tora at droyma stórt, segði Brian Riemer á tíðindafundi fyrrapartin, skrivar dr.dk.

Fyrstu dystirnir hjá nýggja venjaranum vera í Nations League ímóti Spania og Serbia í november.