Beinir á grønari kós móti popptindunum

Í dag hevur Beinir Troest Rasmussen givið sína fyrstu vaksnamannaplátu út, "Greener". 

Fyrrverandi barnastjørnan úr Saltangará á eystara armi á Skálafjørðinum var gestur í Leitisstein týskvøldið, har hann greiddi frá um nýggju plátu. 

"Eg havi verið í holt við hesa útgávuna rættiliga leingið, so tað er deiligt at fáa løgini út. Eg havi eisini spælt løgini rættiliga nógv live, hóast løgini ikki eru givin út. So tað er deiligt at kunna vísa fólk eina heild av tí, sum eg havi arbeitt við síðstu trý árini."

Eg havi altíð havt eitt ynski um at vísa okkurt fram og undirhalda. Tað er ein stórur partur av mær.

Beinir

Góðan vind í seglunum

Beinir hevur av álvara fingið vind í seglini á danska tónleikapallinum. Hann hevur skrivað sáttmála við danska plátufelagið The Bank, ið eisini arbeiðir saman við kendum nøvnum sum The Minds Of 99, Benjamin Hav, Peter Summer, Soleima og Saveus.  

Harumframt hevur Beinir eisini framført beinleiðis í stóru donskum sjónvarpsrásunum DR og TV2 til ávikavist feiringina av at Grundlógin fylti 150 ár og í Vild med dans. 

"Eg havi altíð elskað at skrivað løg og spælt tónleik. Eg eri trý ára gamal á fyrstu upptøkurnar av mær, har eg framføri fyri ommum og abbum. Eg havi altíð havt eitt ynski um at vísa okkurt fram og undirhalda. Tað er ein stórur partur av mær, og tí tók eg stigið at fara niður og royna at finna fólk at arbeiða saman við í Danmark."

Beinir Troest, Uni Leitistein, Leitistein, Kringvarp Føroya

Frítekst tagging: 

Beinir Troest

Uni Leitistein

leitistein

Kringvarp Føroya

Bjarni Árting Rubeksen

Beinir í Leitisstein týskvøldið (Mynd: Bjarni Árting Rubeksen)

'Greener', bæði sangurin og plátan, snúgva seg um at taka stigið og fylgja einum dreymi, sum í útgangsstøðinum er rættiliga óveruligur.

Beinir

Útgávukonsertir í Løkshøll

Beinir viðgongur, at hann hevur lært nógv av at flyta niður, og at hann hevur møtt nógvum spennandi og dugnaligum fólkum.

"Tá eg skrivi sangir, so er tað út frá tí, sum eg upplivi sjálvur. 'Greener', bæði sangurin og plátan, snúgva seg um at taka stigið og fylgja einum dreymi, sum í útgangsstøðinum er rættiliga óveruligur, fyri at vita um grasið er grønari hinumegin," greiðir Beinir frá.

Í sambandi við útgávuna av "Greener" fer Beinir eisini á eina stóra konsertferð í Danmark og Týsklandi. Men hann leggur eisini leiðina heimbýin Runavík og spælir tvær konsertir í Løkshøll 22. og 23. november. 

"Tað gleði eg meg ordiliga nógv til, tí mín tónleikaleið byrjaði í Løkshøll, tá eg sum átta ára gamal spældi fyri hinum børnunum," greiddi hann LEITISSTEIN frá. 

Beinir Troest, Leitistein

Frítekst tagging: 

Beinir Troest

leitistein

Bjarni Árting Rubeksen

(Mynd: Bjarni Árting Rubeksen)

>>Hoyr eisini LEITISSTEIN-sendingina, har Beinir er Gestur