Kim Durhuus fer úr tinginum

Nú Ingilín D. Strøm hevur lagt frá sær sum landsstýriskvinna, fer hon aftur í løgtingið, og tað hevur við sær, at varamaðurin, Kim Durhuus, fer úr tinginum.

Ingilín D. Strøm var landsstýriskvinna í umhvørvismálum í 673 dagar.

Landsstýrið var skipað eftir løgtingsvalið í desembur 2022. Ingilín D. Strøm fekk 787 atkvøður.

Kim Durhuus fekk 162 atkvøður á løgtingsvalinum.

Aksel V. Johannesen, løgmaður, røkir málsøkini hjá Ingilín D. Strøm í landsstýrinum, til nýtt landsstýrisfólk er sett. 

Verður eitt tingfólk hjá Javnaðarflokkinum valt til landsstýrisfólk, kemur Kim Durhuus aftur í løgtingið sum varamaður. 

Norðurlandaráðið hevur ársfund i Reykjavík í næstu viku, og tí verður eingin tingfundur fyrr enn mánadagin 4. november.