- Tíðindi, mentan og ítróttur
Tollpolitikkurin hjá Trump ørkymlar Bakkafrost
Tollpolitikkurin hjá Trump ørkymlar Bakkafrost
Bakkafrost útflutti fyri tvær milliardir krónur til USA í fjør, so tað fer at merkjast, um Donald Trump fer at hækka tollin upp í 10 prosent, kemur hann aftur í Hvítu húsini
Tað kann koma illa við hjá Bakkafrosti, um Donald Trump vinnur amerikanska forsetavalið, tí hann hevur hótt við at hækka tollin á innfluttum vørum munandi.
29.10.2024 - 18:00
Verður Donald Trump aftur forseti í USA, so fáa fyritøkur, sum ikki framleiða sínar vørur í USA, truplari kor.
Tað ørkymlar Regin Jacobsen, stjóra á Bakkafrosti, at tað í løtuni tykist vera ein avglobalisering, har stóru londini gerast stigvíst minni knýtt at hvørjum øðrum, tá ið ræður um vøruhandil.
Regin Jacobsen.
Donald Trump.
20-25 prosent av øllum útflutninginum hjá Bakkafrosti í fjør vóru seld á amerikanska marknaðinum, og tað svarar til umleið tvær milliardir kr.
Tí fer tað at merkjast, um Trump kemur aftur í Hvítu húsini, og fer at hækka tollin upp í 10 prosent, sum hann hevur boðað frá undir valstríðnum.
Hoyr innslag í útvarpstíðindunum:
29102024_Tollur
Amerikanska forsetavalið verður tann 5. november.
Er kopiera
Nýggjastu sendingar í ÚV
Nýggjastu sendingar í SV
