70 milliónir minni í tøkugjaldi

360 milliónir krónur. Tað var tað, sum samgongan hevði sett sær fyri skuldi koma inn í tilfeingisgjøldum í 2024.

Men høgi framleiðslukostnaðurin og lági prísurin á altjóða marknaðinum hevur havt við sær, at tøkugjaldið seinastu mánaðirnir hevur ligið á einum hálvum prosentið.

1. november er seinasta inngjaldið komið frá alivinnuni - og tað svarar til eini tvær milliónir um mánaðin í alt.

Tað vil siga, at tað koma minni enn 290 milliónir krónur inn í 2024. Meira enn 70 milliónir minni enn fíggjarlógin ásetti fyri 2024.

Galdandi lóg um tøkujald merkir, at munurin millum prísin á altjóða marknaðinum og framleiðslukostnaðin ger av, hvussu nógv prosent tøkgjaldið er.

Tøkugjaldstigin hevur 9 stig, har tað lægsta er 0,5% og tað hægsa 20%. Tøkugjaldið er í ár komið uppá 10% einaferð, men hevur fyri tað mesta ligið um 0,5%.

1. januar kemur nýggja lógin um tøkugjøld í gildi. Hon var úrslit av eini semju millum samgonguna og Sambandsflokkin og merkir at tøkugjaldstigin gongur upp í 7,5%  í staðin fyri 20%. Semjan við Sambandsflokkin merkti, at tað harumframt skuldi leggjast ein serligur skattur uppá 8 prosent á feløg, sum hava við aling at gera. Tað er tó inntøkur, sum ikki fara at síggjast fyrr enn í 2026.