Røtt avgerð at taka sær av kt-trygdini sjálv

-Klaksvíkar Kommuna hevur fulla ábyrgd av kt-trygdini í kommununi. Og tað var ikki ein sparing, men ein "skynsom raðfesting" at siga upp avtaluna við NEMA fyri at røkja uppgávuna sjálv.

Tað sigur Rúni Rasmussen, kommunustjóri í Klaksvíkar Kommunu, sum í september mánaða varð álopin av teldusníkum, sum løgdu at kalla alla kommununa lamna og síðani noyddu kommununa at rinda umleið 800.000 krónur í loysigjaldi.

Fyrra hálvár í 2023 valdi Klaksvíkar Kommuna at átaka sær sjálva uppgávuna at tryggja dáturnar í kt-skipanunum hjá kommununi - bæði at verja tær móti álopum og taka trygdaravrit av teimum. Ein uppgáva, sum frammanundan hevði ligið hjá kt-fyritøkuni Nema. Hin 7.oktober í ár - fýra dagar eftir at Klaksvíkar Kommuna hevur hildið tíðindafund um kt-álopið - kunnar NEMA allar sínar vinnukundar um trygdarstøðuna. Í tí kunningini skrivar Nema millum annað at:

 "Tað er týdningarmikið at leggja afturat, at kommunan, ið nýliga var álopin, ikki er í okkara hýsing. Tey hava egna hýsing við egnari umsiting. Tað merkir, at hóast tey brúka skipanir frá Nema, hava vit onga ávirkan á teirra trygd."
Hoyr eina longri samrøðu við Rúna Rasmussen, kommunustjóra: