Brendu ov nógvar møguleikar

Tað byrjaði annars væl, og Føroyar vóru á odda við bæði fimm og seks málum, men í steðginum var leiðslan krympað niður í 17-14 eftir ein annars í nógvar mátar góðan hálvleik.

Men tá ið 13 minuttir vóru eftir, javnaði Ukraina til 26-26 og endaði við at vinna við trimum málum, 35-32.

Toppskjútti hjá Føroyum var Óli Mittún, ið skjeyt átta mál, og honum á baki við sjey málum komu Hákun West av Teigum og Elias Ellefsen á Skipagøtu, sum eftir dystin var kosin besti føroyski spælarin.

Hin dysturin í okkara bólki hetta umfarið varð spældur seinnapartin millum Kosovo og Holland, og endaði hann við einum heldur óvæntaðum javnleiki, 33-33.

Nú eru fýra mánaðir, til Føroyar aftur spæla dyst í EM-undankappingini, og tað verður tann 12. mars ímóti Hollandi á nýggja heimavøllinum, Tjarnir.

Her ber til at hoyra samrøður við landsliðsvenjaran, Peter Bredsdorff-Larsen, og viðmerkjaran, Inga Olsen: