Tusk: Telefon-diplomati við Putin ger ongan mun

Polski forsætisráðharrin Donald Tusk sigur, at telefonsamrøður við russiska forsetan Vladimir Putin kunnu ikki koma í staðin fyri samlaðu mótstøðuna hjá Vesturheiminum móti krígnum í Ukraina.

- Eingin kann steðga Putin við telefonsamrøðum. Álopið sunnunáttina er eitt hitt størsta, sum hevur verið í krígnum, og tað prógvar, at telefon-diplomati kann ikki koma í staðin fyri veruligan stuðul úr Vesturheiminum til Ukraina, skrivaði pólski forsætisráðharrin á X í gjár.

Boðini koma tríggjar dagar eftir, at týski samveldiskanslarin Olaf Scholz ringdi til russiska forsetan.

Olaf Scholz

Týski samveldiskanslarin, Olaf Scholz. (Mynd: Ritzau Scanpix)

Stórálop

Russland framdi sunnunáttina stórálop á Ukraina á fleiri hermótum. 

Pólland setti allar herdeildir í landinum í tilbúgving og sendi jagaraflogfør á flog. 

Funnist verður nógvastaðni at telefonsamrøðuni, millum annað í Ukraina. 

Scholz hevur svarað atfinningunum og sigur, at hetta var vert eina roynd at tosa við Putin fyri at beina burtur allar ímyndingar, sum hann kundi havt um, at stuðulin hjá Vesturheimurin til Ukraina er um at fána burtur.