Eysturkommuna hevur skipað seg

Nývalda býráðið í Eysturkommunu skipaði seg á fundi í kvøld.

Borgarstjóri er framvegis Per Martin Gregersen, sum hevði eitt gott val, og varaborgarstjóri er Uni Rasmussen. Nývalda býráðið samtykti einmælt at velja teir báðar.

Tær føstu nevndirnar vórðu eisini mannaðar, og eisini her var tað eitt samt býráð, sum valdi.

Per Martin Gregersen verður formaður í fíggjarnevndini, Heri Mikálsson verður formaður í byggi- og býarskipanarnevndini, Hanna Jensen verður forkvinna í mentanarnevndini, Unn J. Ellingsgaard verður forkvinna í trivnaðarnevndini, og Pól í Skorini verður formaður í vinnunevndini.

Tey, sum manna nývalda býráðið í Eysturkommunu, eru hesi:

• Per Martin Gregersen
• Unn Jarnskor Ellingsgaard
• Heri Mikálsson
• Hanna Jensen
• Pól í Skorini
• Rebekka Jensen
• Uni Rasmussen
• Magnus Skoralíð
• Ann Fuglø

Býráðið tekur við á nýggjárinum.