Fíggjarmálaráðið vil heldur eiga enn leiga

Fíggjarmálaráðið vil heldur eiga enn leiga bygningin, sum skal keypast til Heilbrigdi.

Fíggjarnevndin spurdi, hví landið fíggjar keypið, tí landið leigar fyri aðrar líknandi stovnar.

Løgtingið hevur játtað 17 mió. kr. til keypið.

Talan er um Kerit, nunnukleystrið við Varðagøtu í Havn.

Bygningurin kostar 12 milliónir krónur. Og fimm milliónir skulu brúkast til dagføringar. 

Nýggjur bygningur kostar 50-60 mió.

Metti kostnaðurin at byggja ein nýggjan viðgerðarstovn til Heilbrigdi er millum 50 og 60 milliónir krónur. 

Verandi bygningur hjá Heilbrigdi á Velbastað er ikki hóskandi longur.

Heilbrigdi hevur tí fyribils góðkenning sum viðgerðarstovnur.

Sambært viðtøkunum hjá Heilbrigdi fær landskassin tað, sum bygningurin á Velbastað verður seldur fyri.

Pengarnir til at keypa Kerit fyri eru í eykajáttanarlógini, sum fær triðju viðgerð á tingfundinum í dag.