Hava skotið 1559 harur á 114 túrum

Higartil í ár, nú harutíðin er komin í helvt, eru skotnar 1.559 harur á 114 túrum.

Tað upplýsir heimasíðan haran.setur.fo, sum Eyðfinn Magnussen tekur sær av.

Flestar harur vóru skotnar á einum túri í Signabøhaganum tann 9. novembur.

Tær vóru 43, og seks byrsur vóru við á tí túrinum.

Men ein einsamallur maður fekk 17 harur í Fýramarkahaga í Árnafirði seinasta fríggjadag.

Í miðal hevur veiðan tey seinastu ellivu árini verið 6.407 harur um árið.

Tað er loyvt at skjóta haru til tann 31. desembur.