Løgtingið skal hava PR-fólk

Løgtingið skal nú hava kunningar- og samskiftisfólk.

Løgtingið vil víðka um opinleika og kunning úteftir, eins og áhugin fyri at vitja og kunna seg um løgtingið er nógv vaksandi. 

Kunningar- og samskiftisfólkið skal dagføra heimasíðu løgtingsins, gera kunnandi tilfar á heimasíðu, í faldarum og annað.

Tað skal gera søguligt og annað tilfar og framløgur til almenna nýtslu og vera við til at skapa karmar hjá fjølmiðlum í løgtinginum.

Kunningar- og samskiftisfólkið skal taka móti teimum, sum vitja løgtingið, og vera ritari hjá løgtingsforkvinnuna og løgtinginum.

Freistin at søkja er til 3. januar á middegi.

Tann, sum fær starvið, skal byrja 1. februar ella eftir nærri avtalu.