Iran: USA og Ísrael feldu Assad í Sýria

Prestastýrið í Iran vil vera við, at USA og Ísrael eru orsøkin til, at Bashar al-Assad, forseti, misti valdið í Sýria sunnudagin.

Hetta er fyrstu ferð, at andaligi leiðarin í Iran, Ali Khamenei, sigur sína hugsan um støðuna í Sýria, eftir at uppreistararfólk róku sýriska forsetan frá valdinum.

Sambært Khamenei eru tað USA og Ísrael og eitt ónevnt grannaland hjá Sýria, sum hava lagt felags ætlan fyri at fáa Assad frá.

- Tað er eingin ivi um, at tað sum hendi í Sýria, er eitt úrslit av einari felags amerikanskari og sionistiskari ætlan, sigur Khamenei við iransku tíðindastovuna IRNA.

Hann leggur aftrat, at Iranska perstastýrið hevur prógv fyri sínum uppáhaldum.