Bergholini eru klár

Bergholini í Borðoynni eru klár.

Landsverk og Arbeiðs- og Brunaeftirlitið hava góðkent bergholini norður um Fjall til almenna ferðslu. 

70 fólk vóru við í stórari venjing í Árnafjarðarbergholinum týskvøldið.

Tey vóru frá politinum, Klaksvíkar sløkkiliði, Heilsuverkinum, Ambulansutænastuni og Landsverki.

Øll høvdu egnar eygleiðarar við, sum skrivaðu hvør sína frágreiðing um venjingina. 

Politiið, sum er leiðandi samskipari í tilbúgvingini, tók saman um niðurstøðurnar og góðkendi tilbúgvingina í bergholunum.

Landsverk hevur staðfest, at bergholini halda øll myndugleikakrøv.

Arbeiðs- og Brunaeftirlitið hevur eisini brunagóðkent bergholini.

Tí kunnu tey lata upp fyri almennari ferðslu. 

Og tað verður í dag.