Jensi av Rana atkvøddi ímóti fíggjarlógini

Ein atkvøða var ímóti, tá ið endaliga atkvøðugreiðslan um løgtingsfíggjarlógina fyri 2025 var í gjárkvøldið.

27 tingfólk atkvøddu fyri, tey fimm tingfólkini hjá Fólkaflokkinum atkvøddu blankt, og sum tann einasti atkvøddi Jenis av Rana í Miðflokkinum ímóti fíggjarlógini.

- Tað, sum nívir meg, er at vit hoyra neyðarróp úr samfelagnum, tí tað eru ikki øll, sum hava tað gott, sigur hann:

At øll ikki atkvøða fyri fíggjarlógini, kemur fyri viðhvørt, og seinast var í 2021, tá ið fimm tingfólk atkvøddu ímóti.

Løgtingsfíggjarlógin fyri næsta ár hevur 120 milliónir krónur í halli.