A.P Møller grunnurin latið 35 milliónir krónur til nýggja sjósavnið

"Vit síggja øgiliga ljóst uppá tað nú," ásannar Heini Hátún, stjóri í Sjósavninum. 

A.P Møller grunnurin hevur júst latið Sjósavninum 35 milliónir krónur til at byggja nýggja sjósavnið á Argjum. 

Og Heini Hátun, stjóri í Sjósavninum, er bjartskýgdur um, at tað fer at eydnast at fáa tær síðstu 35,5 milliónirnar, sum enn mangla, í 2025.

Nú manglar ein triðingur

Nú manglar bert ein triðingur av fíggingini.

At ein so stór upphædd er játtað, kann eisini gera tað lættari at fáa stuðul frá øðrum grunnum, sigur stjórin. 

"Vit hava sambond við ymsar grunnar." 

Gongur alt sum ætlað, so skal nýggja sjósavnaið vera liðugt í 2028.