Nú vil Trump aftur eiga Grønland

Nú er Donald Trump, komandi forsetin í USA, aftur komin við uppskotinum um, at USA eigur at eiga Grønland.

Hann skrivar hetta á sosiala miðli sínum, Truth Social, skrivar Ritzau.

Hetta fer at tryggja, at frælsi og friður eru í heiminum, sigur Trump.

Hann skrivar tó ikki beinleiðis, at USA vil keypa Grønland.

Tað ætlaði hann í 2019.

Trump kemur við sínum boðskapi nú, tí hann hevur tilnevnt vinnulívsmannin og íverksetan Ken Howery í starvið sum sendiharri í Keypmannahavn.

Ken Howery hevur fyrr verið sendiharri í Svøríki. 

Donald Trump vil eisini, at USA hevur eftirlit við Panamaveitini.