Heimsins besti telvari fingið leikbann fyri ikki at fylgja klædnareglum

Klandur um einar kovboybuksur endaði við, at ein av heimsins bestu telvarum, Magnus Carlsen, í nátt trekti seg úr HM í í snar- og kviktalvi. 

Tað skrivar norska kringvarpið.

Tað var eftir, at næsta talvið var spælt, at Magnus Carlsen bleiv biðin at koma á fund við høvuðsdómararnar. 

Á fundinum fekk hann vita, at hann hevði brotið klædnareglurnar hjá altjóða talvsambandinum FIDA, tí hann var í einum kovboybuksum. 

Tískil fekk hann eina bót á 200 amerikanskar dollarar og varð biðin um at skifta buksur. 

Sambært reglunum mátti hann skifta buksur áðrenn næsta talv, men tá hann ikki gjørdi tað heldur, fekk hann leikbann til næsta umfar.

Og tað endaði við, at Magnus Carlsen sjálvur valdi at taka seg úr kappingina í mótmæli móti reglunum. Og tað var ein týðiliga argur telvari, sum tosaði við stroymingstænastuna Take Take Take aftaná.

Við NRK sigur hann, at hetta er bara enn ein kapitul í einum longri stríði við FIDA, og hótti hann við aldrin at telva aftur í einari kapping, sum altjóða talvsambandið skipar fyri.