14 skip fiskaðu felagskvotuna av svartkjafti

14 uppsjóvarskip og ídnaðarskip sluppu at fiska svartkjaftakvotuna, sum Dennis Holm, landsstýrismaður, gjørdi av at býta millum skipini.

Kvotan var 35.000 tons, felagskvota við hámarki.

Nógv tey flestu skipini fiskaðu 2.500 tons, sum var tað mesta, hvørt skipið fekk.

Arctic Voyager fekk góð 984 tons, Ango fekk góð 1.578 tons, og Norðborg fiskaði 2.430 tons, tí tey vóru ikki liðug við sína kvotu, tá felagskvotan var fiskað.

Treytin var, at skipini skuldu vera liðug við sína egnu kvotu, áðrenn tey fingu lut í felagsskvotuni.