3000 krónur í bót fyri at innflyta hundar uttan loyvi frá Heilsufrøðiligu

Tað eigur at kosta 3.000 kr. í sekt, tá fólk innflyta hundar, uttan at hava fingið loyvi frá Heilsufrøðiligu starvsstovu fyrst.

Tað segði Føroya rættur í gjár.

Heilsufrøðiliga starvsstova helt, at sektin eigur at vera 5.000 kr., og tað var eisini kravið hjá ákæruvaldinum.

Tá sektir skulu gevast fyri eitt brot, sum sektir ikki eru givnar fyri fyrr, verður Føroya rættur biðin um at áseta støddina.

Tað hevur rætturin nú gjørt. 

Og í framtíðini kann Heilsufrøðiliga starvsstovan geva sektaruppskot. Tað merkir, at Heilsufrøðiliga Starvstovan kann avgreiða slík mál umsitingarliga.