Ráðstevna um Føroyar í spentu heimsstøðuni

Hvussu klára Føroyar at standa seg móti øktum turbulensi og ymsum sløgum av kreppum?

Tað er evnið á almennari ráðstevnu í Kongshøll í Havn í dag, sum Løgmálaráðið og Fróðskaparsetrið skipa fyri. 

Trygdarstøðan hjá okkum og okkara sameindu er fyri stórum rembingum í hesum árum, har geopolitisku og tøkniligu umstøðurnar eisini hava kollvelt altjóða valdsjavnvágina.

Ráðstevnan skal lýsa viðurskiftini og skapa orðaskifti um, hvussu vit styrkja mótstøðuføri Føroya, nú størri ótryggleiki valdar.

Bjarni Kárason Petersen

Bjarni Kárason Petersen, landsstýrismaður, lýddi við áhuga á fyrilestrarnar á ráðstevnuni. (Mynd: Bárður Lydersen)

Tilbúgvingarráðstevna, Rógvi Olavsson

Rógvi Olavsson, granskari, heldur fyrilestur. (Mynd: Bárður Lydersen)

Tilbúgvingarráðstevna, Stylianos Tzimis, senior analyst, HybridCoE

Stylianos Tzimis, senior analyst, HybridCoE. (Mynd: Bárður Lydersen)

Váðamynd fyri Føroyar

Arbeitt verður við at gera eina váðamynd fyri Føroyar, sum skal hjálpa politisku skipanini at raðfesta átøk á tilbúgvingarøkinum.

Við støði í váðamyndini verður eisini neyðugt at gera tilmæli um, hvørja tilbúgving húsarhaldini, vinnulívið og landið eiga at hava, so at skaði av møguligum atsóknum og tilburðum kann avmarkast mest møguligt, sigur Løgmálaráðið.

Á ráðstevnuni hava bæði føroyingar og útlendingar, sum arbeiða við gransking, tilbúgving ella vinnulívi, fyrilestur um broyttu heimsstøðuna og mótstøðuføri Føroya í hesum sambandi.

Eisini verður pallborðskjak.

Hoyr samrøðu, sum Emil Lisberg Jacobsen gjørdi við Bjarna Kárason Petersen, landsstýrismann í tilbúgvingarmálum: